Tetovë, e punësuara në kazino rrejshëm raportoi në polici se i ishin vjedhur paratë e qarkullimit ditor

Sektori për Punë të Brendshme në Tetovë njofton se gruaja nga Tetova që më datë 9 maj raportoi se si e punësuar në kazino i ishin marrë paratë nga qarkullimi ditor, ka pranuar që kishte bërë deklaratë të rrejshme.
“Më datë 13.05.2024 në SPB-Tetovë është kryer një bisedë zyrtare me 37-vjeçaren A.K. nga Tetova. Për shkak se, më datë 09.05.2024 në orën 12.00, ajo rrejshëm kishte raportuar se rreth orës 08.20 në një vend parkimi tek kazinoja ku punonte, një person duke e kërcënuar i kishte marrë paratë nga qarkullimi ditor në kazino, kështu që gjatë ditës së djeshme ajo ishte paraqitur vetë në stacionin policor. Pas dokumentimit të plotë të çështjes, kundër saj do të përgatitet parashtresë përkatëse”, thonë nga MPB.

Leave a Reply

Your email address will not be published. Required fields are marked *